Madalenoste (Maloste)

Jatorrizko izen osoa eta egokia Madalenoste da, Magdalena ermita bertan zegoelako, eta plaza eta kiroldegia haren atzean daudelako. Izena, berriz, ez da asmatua, Ajangizko udalerriko mugetan zegoen baserri izenetik dator, dokumentazio zaharrean Magdalena oste formarekin dokumentatzen dena; ahoz, Maloste esaten diote, bokal arteko kontsonanteak desagerraraziz. Hain dago zabaldua, non ezin izan den Madalenoste forma osoari eutsi, herritarrek ez lukete-eta identifikatuko.