Izagirre

Mitxelenaren ustez Izagirre, bai eta Eizagirre ere, Aizagirreren aldaerak dira. Azken honen etimologia haize eta agirre dira, haizeak jotzen duen lekua, ageriko eremua, alegia. Ez dakigu, ostera, baserri-izenak jabearen izenetik hartuko zuen izena, edota guneari egiten dion aipamena.

Arana auzoko baserri zaharra, teileria izandakoa. XVIII. mendeko azken urteetako sutegietan ageri da lehenengoz, beraz mende horretako etxea dela pentsa liteke. Izagirre etxea oso garrantzitsua izan zen, baita bertako jabeak ere. Ondoan du Santu Txireneen ermita, etxearena berarena da.