Artekale

Artekale kale-izena, euskal hiri toponimian zabalkunde handikoa da, Barrenkale eta Goienkale bezalako kale-izenak bezala. Artean, erdian dagoen kalea esan nahi du. Beste zenbait udalerritan Erdikokale ere esan izan zaio tradizioz, Markina-Xemeinen esate baterako. Erreferentziazko izena, kale alegia, izenaren atala denez eta lotuta doanez, beste generikorik ez gehitzea gomendatzen du Euskaltzaindiak. Hau da, ez dadin erabili Artekale kalea bezalako forma erredundanteak.

Sinonimoak: Erdikokale