Madariaga

Madariaga baserrria 1704ko sutegi erroldan dokumentatu da lehenengoz, beraz pentsatzekoa da XVI. mendeko baserria dela. Eraikinak, ostera, ahinbat berriztatze izan ditu harrezkero, baina garai haietan egon bazegoen inguru berean izen bereko baserria. Madariaga, madarien lekua esan nahi du. Madariondoak zeuden lekua, alegia. Amaierako -aga atzizkia, lekua edo ugaritasuna adierazten du, eta sarritan fitonimo edo landare-izenekin ageri da. Bizkaiko euskaraz amaierako -aga ez da ahozkatzen, -a baino. Izan ere, bokal arteko leherkari ahostuna kontsonantea askotan desagertzen da ahoskeran. Horrela Madariya esaten diote baserri honi, amaierako bokal elkarketa yod epentetiko baten bidez markatuta, bertako euskalkiaren joerei jarraituz. 1780ko dokumentu zahar batean Madariagaerreka toponimoa ageri da. Ziurrenik etxe honen inguruko basoaren izena izango zen, ez dakigu, ordea, gaur egun erablia eta ezaguna den.