Atxirika

Atxirika etxea Artekalean zegoen, eta bonbardaketaren aurretik horman Santa Barbararen irudia zeukan, gerora berriro ezarri zena. Gaur egun bertan dagoen etxe berriak ez dauka irudirik

Ez dakigu zein izan daitekeen izen honen etimologia, baina baliteke atxira eta –-ika atzizkiaz eratutako izena izatea. Atxira haitzaren gainean hazten den ira da, eta –-ika inguru honetako toponimia zaharrean maiz ageri den atzizkia da (Muxika, Ordorika…). Atxirika Busturiko deitura da.